December 16 thleng sikul kal dawn

School Education minister Lalchhandama Ralte chuan, kumin 2022 chhung bik atan December 16 thleng regular class kal tur a nih thu zawhna chhangin a sawi.

Lalchhandama Ralte chuan, sikul calendar ang chuan December 21 thleng sikul kal tur a ni a, January 5, 2023 aṭangin ṭan leh tur a nih thu sawiin, "Hei hi department hotute nen tidanglamin, December 16 thleng sikul kal a, January 10, 2022-a chhunzawm leh turin kan rél," a ti.

Kumin December 17 aṭanga January 9, 2022 inkar chu zirlaite tan study leave a nih dawn thu sawiin Minister chuan, "Zirlaite'n chawlh emaw ti lo se kan duh. Inthlahdah nan hmang lo tur leh kum tharah exam hmachhawn tur an ni tih an hriat reng a ngai," a ti a; zirlaite zirna ngai pawimawha enpui turin nu leh pate a ngen bawk.