Hnam dang chhinchhiah chungchang Home department-in an sawifiah

Mizoram district hrang hranga DC-te'n hnam dang zat chhiarna tura hma an lakna khaw eng emaw zata village council-te'n zawhna an neihah Home department chuan sawifiahna a tichhuak a; hmalakna kal mek chu chhiarpui a nih loh thu a tarlang.

Home department chuan, hnam ṭhenkhat chungchang chhinchhiah tura hmalakna kal m,ek chu mi ṭhenkhatin an hrethiam lo tih tarlangin, "He thil hi chhiarpui a ni lo a, The Constitution Scheduled Tribe Order, 1950 siamṭha tura hmalakna a nih avangin mipuite chî-âi lo turin kan ngen a ni," a ti.

Home deparment tarlan danin, The Constitution Scheduled Tribe Order, 1950, Part XVII - Mizoram hnuaia hnam chuangte chu union territory leh state-a Mizoram hlàn kai a nih khan Assam chhunga North Cachar Hills District-a scheduled tribe chengte ang chiah hman zui a ni a; list-ah chuan Mizorama hnam chengte a huam kim lo bakah, huam loh tur tel an awm bawk. Chumi siamṭha tur chuan Home department chuan hun rei tak kal tawh aṭangin hma an la a, chumi kal zelah chuan DC-te chu an thuneihna chhung ṭheuh aṭangin data la khawm tura tih an ni.