Chief minister Zoramthanga Delhi-ah

Chief minister Zoram-thanga chu G-20 (Group of 20) meeting India-in a thlen tur leh G-20 president a nih chungchang December 5, Thawhṭanni zana New Delhi-a sawihonaah a tel. Ṭhutkhawm hi prime minister Narendra Modi-a'n a kaihruai a, political party hrang hrang hruaitute an tel a ni.

PM Narendra Modi chuan, G-20-a India presi-dency a nihna chu khawvel hmaa India chakna leh theihna tarlanna a nih thu a sawi a, "Thawhhona ṭha neih a pawimawh. Thil tam tak zingah India-in G20 president nihna a chelh chhung hian India ram tlawhtu tam tak an awm dawn avangin tourism hma-sawnna kawng a inhawng dawn a, G20 meeting neihna tur state hrang hrangte economy-in hma a sawn theih nan remchangah lak ni se a ṭha," a ti.