Chhiatna thlenga hmalakna sawiho

Champhai District Disaster Management Authority chuan nimin khan an chairman James Lalrinchhana, bawrhsap hoin tun hnaia Champhaia in kâng leh tuitla awm chungchanga hmalaknate an thlirho a; tui tlate buaipuinaah chak lehzuala hmalak a nih theih nan hmanraw changtlung zawk leh mamawh dangte ngaihtuah ni se, an ti.

Champhaiah hian December 4, 2022 chawhnu khan Keilungliah tuikhuahah Lalbiakliana (33), Bethel Veng Mualnuam a tla a, nimina an ṭhutkhawm thleng khan a ruang zawn a la ni. December 5, Thawhṭanni chawhma khan Champhai Electric Venga chenna in pahnih a kâng bawk.