END-in Thenzawlah heroin an man

Excise & Narcotics department chuan December 5, Thawhṭanni tlai dar 5 khan Thenzawl Field Vengah heroin gram 87.540 (hawng 6) leh a neitua puh mi pathum - Vanneihtluanga (20) s/o Lalmalsawma leh Lalrinliana (37) s/o A Mory, Thenzawl Vacha Dil Veng ve ve leh, Lalrinkimi (25) w/o Lalhmingtluanga, Thenawl UPC Veng nia inchhálte an man.

Ruihhlo vanga mante lakah The Narcotic drugs & Psychotropic Substances Act, 1985 tlawhchhanin thubuai ziah luh a ni a, court-ah thawn nghal an ni. Ruihhlo leh a kaihhnawih man chhuahnaah Thenzawl Branch YMA-te an thawh hlâwk hle tih END chuan an tarlang.

END chuan, tunlaiin ruihhlo donaah dan kengkawhtute leh Central YMA hnuaia CADS-te'n thawhhona ṭha tak an nei a, nasa takin hma an la tih an tarlang a; mipuiin thlamuang taka hunpui an hman theih nan ruihhlo leh pawikhawihtute dap chhuahna turah ṭhahnemngai ṭheuh turin mipui an chah. Dan bawhchhiatna leh bawhchhiatna tura hmalakna hriate chu a rang thei anga thuneitute hriattir turin an ngen bawk.