Damdawi zuarte ko khawm

Health department chuan nimin khan, Ramhlun Indoor Stadium-ah Aizawl khawpuia damdawi zuartute pualin 'Sensitization of Drug Dealers in Aizawl City' an buatsaih a, Health minister Lal Thanzara'n a hmanpui.

Lal Thanzara chuan, damdawi zawrh chu sum­dawnna dang nen khaikhin theih a ni lo tih sawiin, "Mi nunna leh hriselna khawih sumdawnna hi rawngbawlna rilru pu chunga thawh chi a ni a, sumdawnna zahawm tak a nih rualin, miin an hman sual chuan mi dang nunna tana pawi khawih theihna hmanraw hlauhawm tak a ni," a ti.

Damdawi hman sual (drug abuse) leh ruih theih thil vanga ṭhalai tam tak an thi ṭhin chu pawi a tih thu sawiin Health Minister chuan, damdawi hman sual ven leh do kawngah sorkar thawhpuia venpui turin damdawi zuartute hi a sáwm a ni.

Inkhawm hi Health principal director Dr F Lallianhlira'n a kaihruai a; 'Antibiotics Resistance', 'Documentation & Pe­nalty under Drugs & Cosmetics Act & Rule' leh 'Role of Drug Dealers in Rational use of Drugs' tihte chu mithiamte kaihhruaina hnuaiah zirho a ni.