Sorkar damdawi-ina Inchiu man lak mak an ti

MZP sub-headquarters, Tlabung chuan thuchhuah siamin, Tlabung damdawi-ina Casualty-ah vawi khat inchiu man atan Rs. 50 zel an la niin an tarlang a; mak an tih thu sawiin, titawp turin sorkar thuneitute an ngen.

Tlabung MZP chuan, "Vawi khat inchiua Rs. 50 sen a ngai hi private hospital chu ni se hriatthiamawm kan tih a, sorkar damdawi-ina casualty-a vawi khat inchiu man atan a sang mah mah kan ti a, mi retheite tan phurrit a tling tak meuhin kan hria," an ti a; venflon vuah mana Rs. 50 chawi ngai pawh mak an tih thu an tarlang.