MAL-in Annual Meeting an nei

Mizo Academy of Letters (MAL) chuan nimin khan Hrangbana College conference hall-ah Annual Meeting an nei a, minister C Ngunlianchunga'n a hmanpui.

Inkhawm hi MAL president Lal­thangfala Sailo-in a kaihruai a; C Ngun­lianchunga chuan, MAL member-te chu Mizo thu leh hla tiphuisui a, ṭawng tihmasawna tichangtlung tur leh Mizo nunphung leh ziarángte humhalha vawng nung zel turin an pawimawh tak zet tih a sawi a, "In thil ziah aṭang hian ṭhangtharte'n thil kal tawhte leh Mizo hnam zia an hriat theih phah a ni," a ti.

C Ngunlianchunga chuan, ṭhang­tharte'n social media-ah Mizo ṭawng an hmang duhdah hle tih sawiin, "Hemi kawngah hian Mizo ṭawng humhalha vawnhimna kawngah MAL member-te an pawimawh hle a ni," a ti.

Chawhnu inkhawm chu MAL vice president C Chhuanvawra'n a kaihruai a, 'Mizo hnahthlak chungchang' tih thupui an sawiho bakah, hruaitu thar an thlang a ni.

MAL hi April 23, 1964-ah din a ni a, donor member pahnih, life member 44, annual member 77, mi thar leh a hlui leh affiliated club 13 an awm mek a ni.