SCERT-in Poetry Festival buatsaih

SCERT chuan nimin khan an directorate au­ditorium-ah Poetry Festival leh Proficiency Award in English semna hun an buatsaih a, Prof. Lianzela, Mizoram University-in a hmanpui.

Prof. Lianzela chuan, Mizo ṭhalai zingah sap ṭawnga thu ziah leh hla phuah (poetry) kawngah nasa taka hmasawnna a awm chu lawmawm a tih thu a sawi a; zirlaite chu khawvel inelna sang takah hlawhtling turin tih tak tak leh ṭang mar peihte tan chauh hmun a awm tih hria a, inthlahdah loa hmasawnna tura thawk zel turin a fuih.

Poetry Festival hi kum 2011 aṭang khan SCERT chuan higher secondary school zirlaite tan a buatsaih ṭhin a, kum tin thupui (theme) chi hrang hrang an hmang ṭhin.

Kum­in hian HSS 13 aṭangin zirlai 63 an tel a; Joshua Lalremruata, St. Joseph’s HSS chu pakhatna a ni a, Rachel Zorinpuii, Chal­tlang HSS leh Graham KH Hrokai, Mount Carmel School-te pa­hnihna leh pathumna an ni.

Proficiency Award in English hi kum 2011-ah sem ṭan a ni a, HSLC leh HSSLC exam-a English subject-a mark hmu sang pathum (top 3)-te hnenah certificate leh pawisa pek ṭhin a ni. Kumin hian zirlai 15 hnenah award hi pek a ni.