Serchhipah Zero Littering Campaign

UDPA department chuan nimin khan Serchhip khawpuiah Zero Littering Campaign an buatsaih a, Serchhip additional DC Chuauhnuna leh SDO(C) Vanrengpuia ten an hmanpui.

Bawlhhlawh awm lohna hmun siam tura inzirtirna, Zero Littering Campaign hi Serchhip Bazar leh New Serchhip-a Serchhip College pêngah neih a ni a; India ram khawpui fai inelna, Swachh Survekshan 2018 chungchang an inzirtir nghal.

India ram khawpui fai inelnaah Mizoram aṭanga khawpui 23 tel zing­ah Serchhip pawh a tel a; inelna chu mipuiin an hriat vek theih nan campaign hi neih niin, Swachh Survekshan 2018 Roadmap an inhrilhfiah nghal a ni.

Campaign-ah hian pawl hrang hrang leh kohhran ṭhalaite an tel a; UDPA officer Vanthangpuii leh project manager Grace Lalrinfeli ten thil pawimawhte an zirtir a ni.