Sum sem dan tur rel

Mizoram State Consumers Welfare Fund Committee chu nimin khan FCSCA secretary HL Rochungnunga hoin a pisaah an ṭhukhawm a; sorkar kum kal meka consumer welfare atana hman tur sum dah chu Aizawl leh district danga sem dan tur an rel.

Meeting chuan, kum dang ang bawkin State Consumers Welfare Fund-a sum hmuh chu Aizawl leh district hrang hrangah consumer rights awareness campaign leh workshop/training buatsaih nan te, World Consumers’ Rigts Day lawm nante hman ni se, an ti.

Media hrang hrang kaltlanga consumer-te chanvo nasa zawka inhrilh­hriat pawimawhzia leh consumer-te'n harsatna an tawha Legal Services Authroity nena thawhho dan turte meeting-ah sawiho nghal bawk.