7th Pay a hun rih lo - MZP

Mizo Zirlai Pawl (MZP) chuan thuchhuah siamin, Mizoram sorkar hnathawkte'n Central 7th. Pay anga hlawh pe ve tura sorkar an phût chu an hriatthiampui rualin, tun dinhmunah chuan 7th. Pay anga hlawh inpek chu Mizoramin a la zo loa an ngaih thu an tarlang.

Nimina MZP press release chuan, "Kan state dinhmun leh harsatna ngaihtuahin, tun din­hmunah chuan Mizoram sorkar hnathawkte'n 7th. Pay anga hlawh lâk hi kan ram chhunga mi harsa leh retheite tan harsatna lian zawk a thlen dawn avang­in kan ramin a la zo lo deuh niin kan hria," an ti.

MZP chuan, sorkar sikul hrang hrangah zirlai naupangte'n second term exam an nei mek tih sawiin, "Kan zirlaipui ṭhenkhatte exam tibuai záwnga nawrh huaihawt a ni hi pawi kan ti hle a, hriatthiam har kan ti tak zet bawk," an ti a; zirlai te'n exam ṭha taka an kaltlangpui theihna turin sorkar enkawl sikula zirtirtute chu mass casual leave la lo turin an ngen a ni.