MPSC chawl dawn lo

Federation of Mizo­ram Government Emplo­yees and Workers (FMGEW)-in nimin aṭangin ni thum awh tur mass casual leave la mah se, MPSC-in sorkar hna a lak tur erawh ruahmanna awm sa angin kalpui a ni dawn.

MPSC hotute hnen aṭanga thu dawn danin, MPSC Combined Com­petitive Examination 2017 neih mekah, personal interview tura tlingte chu vawiinah medical test neihpui tura ruahman a ni a; sorkar hnathawkte'n mass casual leave la mek mah se, kaltlangpui tum a ni.

MPSC hotute chuan, FMGEW chu MPSC-a thawkte'n an zawm lo a, chutih rualin, nawrh an huaihawtah erawh moral support an pe niin an sawi.