Truck lian tan kal a him lo

Aizawl-Lunglei World Bank Road-a Puk­pui leh Tlawng lui inkar­ah PWD-in an siam mekah, kawng chhia a la tam avangin lirthei lian, ke 10 nei chinte chu zawh rih lo turin PWD hotute'n an ngen.

Thu dawn danin, Pukpui-Tlawng inkar siam mekah hian rigid pavement-in metre 735 vela thui siam tur a ni a, chuvang chuan contractor-te'n kawng metre 3-a zauin thûk takin kawng an lai khuar a; a sirah LPK truck leh a aia tête kal nan meter 2 vela zau zuah a ni.