Loneitute tana hamṭhatna sawiho

Agriculture department hotute leh State Level Bankers Committee hruaitute chu nimin khan Secretariat conference hall-ah an inkâwm a; sorkar laipuiin loneitute tana hamṭhatna - agriculture loan (credit facility) ruahmante loneitu tam zawkin ṭangkai zawka an hman theih dan tur an sawiho.

Inkawmhona hi Agriculture secretary J Hmingthanmawia'n a kaihruai a; loneitute hmakhua ngaia sorkar laipuiin agriculture loan hrang hrang a ruahman thu sawiin, loan-te chu loneitu tam zawkin an hman ṭangkai a pawimawh thu a sawi.

Ṭhutkhawmah hian district hrang hrang aiawh lead district manager te, AMFU aiawhte leh Agriculture officer-te'n an huam chhunga agriculture loan pek dan leh harsatna an tawhte an tarlang.

State Level Banker Committee coordinator Lalnilawmi chuan, sorkar kum kal mek 2022-23 chhungin Mizoram tan credit scheme-ah target pek a nih thu leh, target tihlawhtling turin Agriculture department-in theihtawp an chhuah a ṭul thu a sawi.