Ruihhlo dona tur sum CYMA-ah hlân

Chin Baptist Church, USA (CBCUSA) Women’s department chuan ruihhlo dona atan nimin khan Central YMA hnenah Rs 4,70,000 an hlân.

Ruihhlo dona tur sum inhlanna hi CYMA Committee Room-ah neih a ni a, CBCUSA Womens department director Rev. Suihliang Chorei leh assistant director Thong Thluai ten CYMA treasurer Fabian Lalfakawma hnenah an hlàn a ni.

CBCUSA Women’s department hotute chuan, Mizorama ruihhlo pung nasa lutuk donaa YMA hmalakna chu ropui an tih thu sawiin, an theih ang ang thâ thawh ve an duh avangin kum khat chhung atan thla tin US dollar 1,000 pek ziah an tum thu an sawi.

Kum khat chhungin thla tin US dollar 1,000 pek an tumah hian CBCUSA Women’s department chuan kum chanve atan nimin khan Rs 4,70,000 an hlân a, kum thar lamah kum chanve dang atan hlan leh an tum a ni.