HIV/AIDS chungchangah Synod-in hmalak an rêl

Mizoram Presbyterian Kohhrana inkhawmpui lian ber, Synod Inkhawm­pui vawi 94-na chu nimin khan Bungkawn Kohhran biak-inah chhunzawm a ni a, HIV/AIDS donaa hmalak an rel.

Nimina Synod In­khawm­puiah hian general agenda-te ngaihtuah ṭan a ni a; HIV/AIDS do­naa hmalak rawtna chungchang chu pawmin, Synod Executive Commi­ttee (SEC) bawh­zui atan an dah a ni.

Synod Inkhawmpui chuan, India rama Kris­tiante tihduhdahna leh nêpchêpna hluar zelah awareness neih an rel a; Mizo Bible cháng zawn a awlsam zawk theih nana hmalak chungchangah, Bible Society of India-a thlen an rel bawk. Synod In­khawmpui rorel hi vawi­inah chhunzawm leh a ni ang.