7th Pay anga hlawh lak dan ngaihtuah tiam
Mizoram BJP chuan thuchhuah siamin, sorkarna an siam a nih chuan Mizoram sorkar hnathawkte'n 2016 aṭanga effective turin 7th Pay anga hlawk an lak theih dan tur an ngaihtuah tur thu an tarlang.
Mizoram BJP chuan sorkar hnathawkte'n an hlawh a nihna anga an lakna tur atana an nawrh a ngai chu pawi an tih thu tarlangin, "Mipuite tawrhna nasa tak thlentu a ni. Tun sorkar kal lai 2017-2018 sorkar budget cheng vbc. 8803.10 aṭanga sorkar hnathawk hlawh chu cheng vbc. 3828.07 (43.45%) a ni a, 7th pay Commission anga hman anih chuan vbc. 4391.29 (49.88%) in a pung dawn a, hei vang hian tun sorkar hian Mizoram budget atanga pek hi harsa a ti hle," an ti.
Mizoram sorkar hnathawkte'n 7th Pay anga hlawh an lak theih an duhpui hle tih sawiin Mizoram BJP chuan, "Sorkarna kan chang anih chuan hetiang ang harsatna hi kan nei lo ang. 7th Pay hi 2016 aṭanga effective turin hma kan la bawk ang," an ti a, mipui chan ai tur pawisa budget ṭanga sawhheka mipui nawlpuiin an chhawr theih loh tur sorkar sum aṭanga sem leh tur ni tho si, party bil campaign na atana hman tawp se an duh thu an sawi bawk.