No Vehicle Zone la chiang lo

Kumin Krismas leh kum thar vuakvetah Aizawl khawpui laili-ah lirthei tlan phal lohna hmun leh hun, No Vehicle Zone puan a nih dawn leh dawn loh hriat a la ni lo a; Traffic police lam chuan puang leh turin thuneitu sang zawkah an thlen tawh.

Vanglaini palai zawhna chhangin Traffic SP C Lalthanmawia chuan, kumin Krismas leh 2018 kum thar dawnah No Vehicle Zone puan leh chu ṭha an ti tih a sawi a, "Coordination Committee on Traffic Management-ah rawtna kan thlen tawh a, mahse, chhanna kan la dawng lo," a ti a; No Vehicle Zone puan tur chungchangah thu chiang a la awm loh thu a sawi.