Synod-in secular college din a rel

Mizoram Presbyterian Kohhrana rorelna sang ber, Synod Inkhawmpui chu nimin khan Bung­kawn Kohhran biak-inah chhunzawm leh a ni a; secular college din an rel a, Synod Executive Committee (SEC) bawh­zui turin an dah.

Moderator Rev. F Lalrinnunga kaihhruai Synod rorel inkhawmah hian Mizoram Synod hnuaia hun puma thawkte zuk leh hmuama an fihlim theih nana hmalak an rel a, Synod Executive Committee bawhzui turin an dah a ni.

Synod Inkhawmpui hi vawiin leh naktukah chhun­zawm a ni ang a; vawiinah rorel inkhawm chhunzawm tur niin, nak­tuk Pathianni chaw­hma inkhawmah pastor nemngheh leh proba­tionary pastor dahngheh inkhawm neih a ni ang.