Maths leh science zirtirtu dah turin ngen

Tuipuiral Zirlai Pawl (TZP) chuan thu­chhuah siamin, an huam chhung­a high school hrang hrangah mathematics leh science zirtirtu an indaih lo hle tih an tarlang a; MPSC kaltlanga tun hnaia H/S-a mathematics leh science zirtirtu tur lakte hmangin indaih lohna hnawhkhahsak turin Mizoram sorkar an ngen.

TZP tarlan danin, Oriental H/S, Leisenzo chu kum 1980-a din, kum 1994-a sorkarin a lak a ni a, mathematics zirtirtu dah a la ni ngai lo; science zirtirtu thawk mek pawh kum 2019-a pension tawh tur a nih bakah, teaching staff dang pahnih chiah an awm a ni. Khuangleng H/S-ah kum 1999 aṭanga tun thlengin thawktute leh zirlai nu leh pate ṭang­rualin sum thawh khawmin mathematics zirtirtu an ruai ṭhin. He sikulah hian kum 2012-a mathematics zirtirtu dah a ni a, mahse, November 2012-ah sawn chhuah leh nghal a ni.

Chhaktiang H/S, Vaphaiah kum 2014 aṭangin thawktute'n science zirtirtu an ruai a, zirtirtu pahnih chu March 2018-a pension tur an ni. Vanzau H/S-a mathematics zirtirtu chu sorkarin hremna atana a dah niin, zirlaite a zirtir thei lo a, aikal a la bawk.