KHAWTHLIR

Thilpek hlan
Mizoram Bar Association (MBA) general headquarters chuan nimin khan 'MBA Charity Program 2017' an hmang a, home leh centre thlan bikah leh mimal, din­hmun harsa leh ṭan­pui ngai bikte hnenah thilpek an hlan. MBA Charity Programme-ah hian MBA member-te chu hmun hrang hrangah insem darhin thilpek an hlan a, an thil hlan zawng zawng chu Rs. 2,50,000 hû a ni.

PWNM-in hlan
Positive Women Network of Mizoram-in an member HIV hrik pai, chhungkaw harsate puala tun hnaia charity dinner an buatsaih aṭanga sum an hmuh hmangin chhung­kaw 12 hnenah ṭanpuina an hlan. Ṭanpuina hi Khawzawl, Lunglei leh Darlawnahte chhungkaw pali ṭheuh an hlan a ni.

Thisen pe
Upper Republic Branch KṬP chuan nimin khan an kohhran hall-ah blood donation camp an huaihawt a, Aizawl Civil Hospital tan mipa 21 leh hmeichhia 10-te'n thisen unit 31 an pe.