Phairuangkai golden jubilee lawm a ni

Phairuangkai khua chuan nimin khan an khaw khelmualah Phairuangkai golden jubilee an lawm a, bialtu MLA Zodintluanga Ralte-in a hmanpui.

Phairuangkai khua hi kum 1972-ah din niin, thlawhbâwk permit an nei a, kum 1984-ah village council an nei ṭan. Tun dinhmunah in 341 a awm a, mi 1,490 an chêng mek a ni.

Zodintluanga Ralte chuan, Phairuangkai khua din tirh aṭanga mei mit loa an luah lum thei leh an khaw sah chhuahin kum 50 a tling ta chu a lawmpui thu sawiin, Phairuangkai din tirh tê aṭangin a nu leh pate'n Phairuangkaiah huan an neih avangin vawi tam tak a kal thu leh a khua ang maia an khawsakna ṭhin a nih thu a sawi.