Aizawl 0

Venghlui khawtlangin Aizawl Dak Inpui kawta hmun hlat zawng tehna bul ṭanna mellung an siam thar chu December 9, Inrinni zing khan Venghlui Local Council chairman Vanlalruata Ralte-in a hawng. Mellung hawnna inkhawm hi Venghlui branch YMA president Robert Zosangliana'n a kaihruai a; Venghlui LC Chairman chuan, "Mizoram mêl hlat zawng chu Dak Inpui aṭanga teh ṭhin a ni a, hei hi mipuite leh ṭhangtharte'n an hriat loh kan hlauh avangin mellung tehna tur hi kan phun a ni," a ti.