International Anti Corruption Day hmang

PRISM party chuan December 9, Inrinni khan an pisaah International Anti Corruption Day an hmang a; an president Vanlalruata'n thu sawiin, "Corruption hi kan ramin hma a sawn theih loh chhan lian ber pakhat a ni," a ti.

PRISM general sec­retary Lalrinzuala Chawngthu-in report a pek danin, PRISM hian kum 2006-a an din aṭanga December 9, 2017 thleng khan social audit ṭum 59 leh monitoring & evaluation ṭum 127 nei tawhin, suggestion ṭum 61, complaint vawi 51, FIR 68 leh PIL 16 an thehlut tawh.

PRISM hmalakna aṭangin mi 300 chu sor­kar­in eiru ngeiah a ngai a, lung-ina tàn phah mi pakhat, hna aṭanga bàn mi pali leh suspend mi 16 an awm tawh a; a dik loa zangnadawmna hmuh tum hmu ta lo mi 380, chan ai eirûksak pek let 107, a dik loa hna thawk tur lâk tawh bàntir leh 57 an awm bawk. PRISM chuan, an hmalakna avang­in mipui sum kal ral tur cheng vbc. 1,950 vel hum tawhah an inngai a ni.