Mathematics competitiion buatsaih

Mizoram Mathematics Society (MMS) chuan Mizoram Science, Technology and Innovation Council (MISTIC) nena ṭang dunin December 9, Inrinni khan Mizorama khawpui parukah Mizoram pum huap Mathematics-a inelna an buatsaih a; zirlai ṭhahnem tak an tel.

Mathematics competitiion hi pawl 5, 7, 10 leh 12 course anga ṭhen a ni a; Aizawlah chuan Pachhunga University College-ah neih niin, Lunglei, Champhai, Serchhip, Mamit leh Sai­tualahte neih a ni bawk.

Exam tura hming pe zat chu Aizawlah 2,203, Lungleiah 694, Champhaiah 284, Serchhipah 288, Mamitah 20 leh Saitualah 153 an ni a, an vaiin 3,642 an ni. Class-V level-ah zirlai 1,026, Class-VIII level-ah zirlai 1,033, Class-X level-h zirlai 1,127 leh Class-XII level-ah zirlai 456 an tel.

Mathematics-a inelna hi Mizo zirlaite'n mathematics an hlauhna tihbona a nih beiseia kum 2007 aṭang buatsaih ṭan a ni.