AAP-in 2023-a Mizoram inthlanpuiah Candidate 25 aia tlem lo neih an tum

Aam Aadmi Party (AAP), Mizoram hruaitute chuan nimin khan Aizawl Press Club-ah thuthar thehdarhtute an kâwm a; kum 2023 ML A inthlanpuiah a tlem berah candidate 25 neih an tum thu an puang.

AAP organising chairman Andrew Lalremkima chuan, AAP chu kum 10 leka party upa ni mahse national party a nih thu sawiin, "December 8, 2022-a Gujarat inthlan result puanah MLA kan neih tâk avang khan national party kan lo ni ta a, he ní hi AAP tan ni chhinchhiah tlak a ni.

Mizoramah pawh dikna duhtu kan tam avangin kan thei ve tih kan hria a, kan ti dawn a, nakkum inthlanpuiah a tlem berah MLA candidate 25 neih kan tum," a ti.

AAP chuan Mizoramah ṭantu an neih b e l h z e l n i a sawiin Andrew Lalremkima chuan, "Dikna duhtu kan neih belh zel dawn. Tunah hian district hrang hrangah kan kal kual mek a, MLA candidate tur mi dik leh huaisen kan zawng mek," a ti a; kum 2023 inthlanah an chak ngei theih nan central lama an hotute'n an puih dawn thu a sawi.

AAP Mizoram hotute chuan, tun hnaia LGBTQIte tana Sakawrtuichhuna shelter sak tumna chu an dodal dawn thu an sawi a; sorkar laipui lama an hotute ngaihdan aiin, Mizoram chu kristian ram a nihna an dah pawimawh hmasak thu leh, neih inangte tana in sak tuma hmalakna chudodal tlat an tum thu an sawi a ni.