Bank account leh a kaihhnawih thila inbumna lakah fi mkhur turin mipui chah

Mizoram Police chuan thuchhuah siamin, bank account leh a kaihhnawih thil hmanga inbumna lakah fi mkhur tur leh awlsam taka sum hmuh theihna tura inbumna lakah fi mkhur turin mipui an chah.

Bank account siam leh a kaihhnawih thila inbumnaah fi mkhur turin Mizoram Police chuan mipui an chah a, "Thubuai lian leh rip tak a nih avangin heng bum hmangte’n awlsam taka pawisa hmuh theihna anga sawia an chawchahah hian tu mah tlu lut lo turin kan inchah a ni," an ti.

Police-te chuan, cyber crime kaihhnawih dan bawhchhiatna chi hrang hrangah police hnena thu thlen tur neite chu Cyber Crime PS-ah helpline number 1930 hmang emaw, online-in cybercrime. gov.in ah emaw hriattir theih a nih thu leh, thu hriattirtute nihna thup tlat a nih dawnthu an tarlang bawk.

Police thuchhuah tarlan danin, Kolasib Tuiṭha Veng V/C Secretaryin ziaka a thlen angin Kolasib Police Station-ah IPC Section 419, 406 leh
120B hmangin October 8, 2022 khan thubuai ziah luh a ni a; Lalthlamuanpuii (39), Kolasib Tuiṭha Veng Kualmawia khawsa lailâwk chu police-te'n manin, thu an zawhfi ah.

Lalthlamuanpuii hian Kolasib Tuiṭha Venga mi pakua chu Canara Bank leh SBI-ah account hawng turin a thlêm a, account an hawn hnuah an account hawn tharte chu a linked ATM card leh SIM card-te nen account pakhat Rs 2,000 zelin a hnena hralh turin a thlêm a ni. 

Bank account-te chu state dang aṭanga cyber crime ti ṭhinte'n mi dang bumna atan an hmang tih hriat chhuah a ni a; Lalthlamuanpuii (39) thu zawhfiahna kal zelah, bank account-te hawnna tura senso ngaite chu Manipur lam mi, Deborah leh hnam dang (midum) pasal neia Delhi-a chêng mek Lalthlamuani (Teseni) ten an tumsak a ni. Bank account hawn thar ṭhenkhat leh a kaihhnawih document-te chu Lalthlamuanpuii'n babk account siamna tumsaktute hnenah a thawn a, anni pawhin an dawng ngei tih fi nfi ah a ni.

Bank account kimchang leh document pawimawhte an dawn hnuah Deborah leh Lalthlamuani te chu biakpawh theih an ni lo a, an awmna chin hriat a ni rih lo. Hetih lai hian, bank passbook paruk leh a linked SIM card-te leh mobile phone pakhat chu Lalthlamuanpuii hnen aṭangin chhuh let a ni tawh thung. He inbumnaa inhnamhnawihte chhui zui mek zel a ni.