PUC NSS-in special camping buatsaih

Pachhunga University College-a NSS unit chuan December 3-9, 2022 chhungin Nisapui, Serkhan leh Lungmuat khuaahte special camping an huaihawt a; vantlang zun-in leh tui innate an siam bakah, thil chi hrang hrang mipui an zirtir.

PUC NSS special camping-ah hian PHE department-a Project Management Unit te, Environment, Forest & Climate Change department te, MSACS leh Mizoram Rural Bank-te nen an thawkho a; faina, tui hna humhalh, ruahtui khâwl, kângmei laka invên, ruihhlo laka invên leh ruihhlo do, HIV/AIDS leh financial literacy chungchangte mipui an zirtir a ni.

Pa khawi an zirtir bakah, pa chi an sem a, sorkar sikul naupangte hnenah Mizo hnam làm, sipai làm leh spoken English-a ṭawngte an zirtir a, mathematics leh science subject-a an thiam lohte an zirtir a ni. Football coaching leh thiamhnáng tah inzirtirna hun an buatsaih bawk.

Mipui koh khawm nan futsal tournament an huaihawt ṭhin a, inkhelh laiin thil chi hrang hrangah awareness campaign an nei ṭhin. Futsal tournament chu Mizo footballer Jeje Lalpekhlua'n a hmanpui a ni.