Vairengteah lirthei endikna hawng

Transport minister TJ Lalnuntluanga chuan nimin khan Vairengteah lirthei endikna, Motor Vehicle Checkgate thar a hawng a; Transport department chu Mizoram sorkara chhiah la khawm ṭha ber zinga mi a nih thu a sawi.

TJ Lalnuntluanga chuan, Vairengte khawtlangin ram hmasawnna tura phal taka hmunhma an ruahman chu lawmawm a tih thu a sawi a, "Ramri luhka pawimawh taka lirthei endikna awm tur hian Transport department kaltlanga dan anga chhiah khawn hna a tihchak zual ngei ka beisei," a ti.

Transport Minister chuan, t u i h m a n g a inkalpawhna awlsam siam turin project hrang hrang buaipui mek a nih thu leh Mizorama luite chu hun rei lo têah ṭangkai taka hman thuai a beiseiawm thu a sawi bawk.

MV checkgate thar hawnnah hian MLA Lalrinsanga Ralte, Transport secretary KT Beicho, director R Lalrammawia leh mi pawimawh dangtean tel a ni.