Sorkar hlawhchhamzia tilangtuah ngai

ZPM Ṭhalai chuan, kuhva tawlh rûk tihtawp a nih theihna tur chhuanlama Lok Sabha MP C Lalrosanga'n Union Home secretary Ajay Kumar Bhalla a hmu leh Rajya Sabha MP K Vanlalvena Parliament session-a a au chhuak chu dan leh thupek kenkawh kawnga Mizoram sorkar hlawhchhamzia tilangtua an ngaih thu an tarlang.

ZPM ṭhalaite chuan thuchhuah siamin, "Parliament-a MNF member Mizoram MP pahnihte hian dan leh thupek kenkawh kawnga MNF sorkar hlawhchhamzia Delhi tlangah an au chhuahpui a ni ber," an ti a, Mizoram sorkar tan thil mualphothlak a nih thu an sawi. Kuhva ro tawlh rûk tihtàwp an duh tak zet chuan, Mizorama an party MNF hruaitute hnena thlen zawk turin Mizoram MP pahnihte chu thuràwn an pe a ni.