Mohun Bagan-in Jamshedpur an hneh

Ningani zan Indian Super League inkhelah ATK Mohun Bagan chuan 1-0 in Jamshedpur FC an hneh a, top four huangah an dinhmun an sawhnghet zel.

S a l t L a ke Sta d i u m , Kolkata-a inkhelah team pahnih hi goal khung loin an inhnehtawk mai dawn niin a lang hman a, mahse, minute 90-naah Mohun Bagan lawmna tur a thleng.

Jamshedpur captain Peter Hartley chuan Bagan forward Kiyan Nassiri chu penalty boxah a titlu a, referee-in red card a pek bakah rang takin penalty spot a kawk bawk.

Hugo Boumous chuan penalty hi hun pek belh minute khatnaah harsatna nei loin goal-ah a chantir a, Jamshedpur lamin chhanglet tura hun an neih tawh loh avangin 1-0 in an tlawm a, table mawng lamah hun an hman chhunzawm zel.

J a m s h e d p u r t a n Laldinliana Renthlei leh Ricky Lallawmawma ten bul an ṭan a, ATK Mohun Bagan tan Lalrinliana Hnamte chu minute 78-naah luhtir a ni bawk.