Mizoram HSS Games ṭan a ni

13th December, 2017

Mizoram Higher Secondary School Games vawi 16-na chu nimin khan ṭan a ni a, khelmual leh stadium hrang hrangah hawn a ni. December 15, 2017 thleng a awh ang.

Mizoram HSS Games 2017-ah hian athletics, badminton, basketball, football, table tennis, taekwondo leh volleyball-ahte intihsiak a ni dawn a; Pachhunga University College ground, Mizo H/S Hall, Hawla Indoor Stadium, Republic Veng Field, Durtlang Field, MTTA Hall leh Electric Veng YMA Hall-ahte neih a ni.

Games-ah hian Aizawla HSS 14 leh Aizawl páwna HSS 12 telin, sikul 26 aṭangin zirtirtu 134 leh zirlai infiam mi 1,411 (mipa 898 leh hmeichhia 378) an tel. Games hi December 15 chawhma dar 10:30-ah khâr a ni ang.