KHAWTHLIR

MHIP-in chhuang
MHIP general headquarters chuan Vanglaini buatsaih Mizo Award 2017 dawngtu, Prof. Joy Lalkrawspari Pachuau d/o Rev. LB Pachuau, Ramhlun North chu an lawmpui thu leh an chhuah thu an tarlang a; "Hetianga Mizo hmei­chhia chhuanawm tak kan nei hi a kal leh zelna turah duhsakna sang ber kan hlan a ni," an ti.

MLA-in enfiah
Kolasib bialtu MLA PC Zoram Sangliana chuan, nimin khan Kolasib Venglai Field-a Kolasib Stadium tur sak mek a tlawh a, hna thawh dan a enfiah.

NABARD sawiho
December 11, Thawhṭan­ni khan Lawngtlai DC Dr Arun T hoin DC conference hall-ah National Bank for Agriculture and Rural Development (NABARD) hmalakna sawiho a ni a, Lawngtlaia bank leh sorkar department aiawhte an tel.

Tlan phal lo
Traffic SP chuan thupek chhuahin, PWD-in December 13-22 chhung zing dar 9 aṭanga tlai dar 4 inkarah Dawrpui Vengthara PC Zoram Sangliana in bul kawng pêng leh Dinthar kâwn inkar kawngpui an siam dawn avangin, hna thawh chhungin lirthei tlân phal a nih loh thu a tarlang.

Kham enfiah
Aizawl DC hmalaknain nimin khan Mission Veng leh Kulikawn inkar khâmphei min ṭhin chu DMR, PWD, UDPA, Land Revenue, Geology & Mineral Resources, AMC aiawhte leh Mission Veng, Kulikawn leh Thakthing local council-te'n an enfiah a, sorkarah rawtna an thlen dawn a ni.

Lusûn khawhar
Central YMA president hlui Lalchungnunga, Ramhlun North chu December 11, Thawhṭan­ni zan dar 9 vel khan kal (kidney) ṭha lo vangin a thi a, nimin khan vui a ni. Lalchungnunga hi CYMA president hlui a nih bakah Central KṬP-ah assistant secretary leh finance secretary-te a ni tawh bawk.