Lawngtlaiah Rualbanlote Ni hmang

Lawngtlai District RMSA leh Eirene Society bultumin December 12, Thawhlehni khan Lawngtlai Council Venga LADC Hall-ah International Day of Persons With Disabilities hman a ni a, district bawrhsap Dr Arun T-in a hmanpui.

Dr Arun T chuan, rualbanlote sorkarin a ngaih pawimawh thu sawiin, "An tana hmasawnna tur leh an thawh theih tawk ngaihtuahsakin, sikul an kalna tura an tana awlsam turin hmunhmate pawh buatsaih a ni. Vohbikte enkawl tur hian an nu leh pate bakah, an zirtirtute an pawimawh em em a, an inpekna azirin heng mi bikte hian hmasawnna an nei zel dawn a ni," a ti.

Lawngtlai RMSA coordinator R Lalnun­tluangi sawi danin, Lawng­tlai district chhung­ah rualbanlo mipa 58 leh hmeichhe 62, an vaiin 120 an awm mek a ni.