MZU Southern Campus din turin NGO Coordination Committee din

Lungleia pawl hrang hrang hruaitute nimina YMA Sub-Hqrs. Lung­lei conference hall-a ṭhu­khawm chuan, Lungleiah Mizoram University (MZU) Southern Campus din a nih theih nana hma la turin NGO Coordination Committee an din.

Nimina Lungleia NGO meeting-ah hian YMA, MUP, MHIP, MZP, MSU leh Chhimbial Chhantu office bearer-te an tel a; Lungleiah MZU Southern Campus din a nih ngei theih nana bawhzui tura Coordination Committee an dinah puipa turte an ruat nghal a, chairman chu R Lalnunthara, YMA sub-headquarters president a ni.

Meeting hi R Lalnun­thara'n a kaihruai a; Lung­lei leh Aizawl kawng, Tlawng lui leh Pukpui inkara thawm ṭhat mek chungchang pawh sawi­hoin, hna thawh ṭanna a rei tawh ngaihtuahin hmasawnna a tlemah ngaiin, thawktute an vuaicha lutuk chu pawi an tih thu an sawi a, a ṭul a nih chuan NGO Coordination Committee anga hmalak an rel a ni.