Health Minister-in Mizoram mamawhte Union Minister hnenah a thlen

Ministry of AYUSH chuan nimin khan AYUSH minister Shripad Naik kaihhruaina hnuaiah 'Webinar on National AYUSH Mission & Operationalization of AYUSH Health & Wellness Centres under Ayushman Bharat' an buatsaih a, Health minister Dr R Lalthangliana chuan Mizoram mamawh hrang hrangte a thlen.

Webinar-ah hian Health Minister chuan Mizorama AYUSH doctor-te leh AYUSH health worker-te'n Covid-19 donaa an thawhhlawkzia leh an fakawmzia sawiin, "Hmun hrang hranga AYUSH doctor-te leh health worker-te chu Covid-19 donaah a hmatawngah ṭangin AYUSH damdawite pawh a mamawhtute hnenah semin an thawkrim hle," a ti.

Aizawl, Champhai leh Hnahthiala khum 50 awmna AYUSH Hospital sak tura rawtna siam chu ngaihpawimawh sak tur leh a hlawhtlin thuai theih nan chak taka hma la turin Dr R Lalthangliana chuan Union Minister ngenin, Mizoram chhung hmun hrang hranga health sub-centre/Urban Primary Health Centre 38 chu National AYUSH Mission hnuaiah Health & Wellness Centre-a hlankai tum a nih thu a sawi.