Cheng nuai 18 hu heroin man

Mizoram Police Drugs Operational Team chuan July 29, Nilaini zan dar 7:30 khan Seling dáiah heroin hawng 25 an man a, Aizawla hralhna ang chuan cheng nuai 18 hû a ni.

Mizoram Police-te hian Seling dáiah maxicab pakhat lo tidingin, a khalhtu Daniel Malsawmdawngliana Sailo (45) chuan phurh a neih loh thu a sawi. Police-in an endik hnuah Sumo signal light chhunga a hrana thuhrûkna siamah heroin an hmu chhuak a ni. Daniel Malsawngdawngliana hi Special Narcotic Police Station, Aizawlah thubuai an siamsak.

Aizawl khawpuiah heroin hmuh tur a la awm reng avangin tunlai hian Mizoram Police Drugs Operational Team chuan ruihhlo zawn chhuah hna ngawrh takin an thawk a ni.