MCAB-in sawhthing qtl. 10,000 lei dawn

Mizoram Cooperative Apex Bank (MCAB) chairman T Lalmuan-puii chuan, MCAB-in MAMSOL hmangin Mi­zo­rama sawhthing tharte an leisak thu sawiin, kuminah pawh sawhthing quintal 10,000 an lei tur thu a sawi.

Hillsgate Weekly-in ni hnih awh, Mizoram Youth Summit an buatsaih nimina a hmanpuinaah T Lalmuanpuii chuan, Mizorama sawhthing thar qtl. 10,000 an lei tur chu kg. khat Rs. 15-in Bairabi-a an lei dawn thu te, a leitu tur Bangladesh lam nen inremna an ziah tawh thu te, sawhthing dahṭhatna tur leh a sawngbawlna hmun Bairabi-a an siam mek thute a sawi a ni.

Mizoram Youth Summit-ah hian Mizoram Football Association ho­nonorary secretary Lal­nghinglova Hmar-in 'Sports leh nationalism’ tih thupui sawiin, in­fiamna hmanga ram leh hnam humhalh theih dan leh hnam chawisanna hmanraw ṭangkai a nih theih dante a sawi a, "Miin hnam hmangaihna tak tak rilru pua sports a luhchilh chuan nasa lehzualin a hlawhtlin theih a ni," a ti.

ZNP ṭhalai president Lalmuanpuia Punte-in ‘Hnam dangte nena inlaichinna’ tih thupui a sawi a; Mizoram leh hnam chhehvela hnam dangte nena inlaichinna chungchangah fimkhur a ṭul thu leh, ram leh hnam humhalhna kawnga hmalak dan tur hrang hrang a sawi a ni.