Lirthei dah phal dawn lo

Traffic SP C Lalthanmawia chuan thupek chhuahin, December 16, Inrinniah prime minister Narendra Modi-a'n Aizawl a rawn tlawh dawn avangin, Inrinni hian zing dar 6 ṭanga chhun dar 12 thleng Ṭhuampui pêngṭhuam aṭanga Treasury Square inkar, Bawngkawn - Chaltlang - Chanmari - Zarkawt - Zodin Square kawngpui sirah lirthei reng reng dah phal a ni lo tih a puang.

Traffic SP chuan, Prime Minister chu danin a phût angin, zalen taka a chêt vel theihna turin lirthei tlan dan leh hûn dan ruahmanna siam danglam chu hrethiam turin mipui a ngen a, "December 16 zing dar 8 aṭanga dar 11:30 inkar hian a chunga tarlan tâk kawngpuiah lirthei duh ang angin a tlan theih dawn lo a, lirthei neitute leh hmangtute pawh tum lohna lamah tlantir a ngaih cháng leh rei deuh tak dintir a ngaih hunte a awm dawn avangin, hemi hun chhung bik hi chuan lirthei hmang tam lo tura inhmakhua lâwk tura ngen an ni," a ti.