Halpuaha inhnamhnawih lo turin Sorkar hnathawkte hriattir an ni

General Administration department (GAD) chuan, kumin Krismas leh 2018 kum thar lawmna vuakvêtah hâlpuah leh hâlmawi lam chi reng reng khap a nih thu a puang a; sorkar hnathawkte chu inhnamhnawih lo turin a hriattir.

December 12, 2017-a GAD Office Memorandum tihchhuah chuan, Home minister R Lalzirliana hoa October 26, 2017-a meeting thurel angin, kumin Krismas leh 2018 kum thar lawmna vuakvetah hâlpuah leh hâlmawi lam thil (firecrackers & pyrotechnic materials)-te khap a nih thu a tarlang a ni.

GAD thuchhuah chuan, "Hâlpuah leh hâlmawi leh pyrotechnic lam thil kaihhnawihah hian sorkar hnathawkte chu inhnamhnawih lo tur leh hâl lo tura hriattir an ni," a ti.