SARAS Fair-ah lawmman sem

December 5, 2017-a Assembly Annexe-a ṭan, Sales of Articles of Rural Artisan Society (SARAS) Fair neih mekah nimin khan lawmman sem inkhawm hman a ni a, Rural Deve­lopment minister R Lalzir­liana’n lawmmante a sem.

R Lalzirliana chuan, Mizo hmeichhiate chu kawng hrang hrangah sûlsutu pawimawh an nnih thu sawiin, sorkar pawhin hmeichhiate hamṭhatna turin hma a lak nasat thu a sawi a, "Hmeichhiate hian an dinhmun leh nihna pawimawhzia an hriat a, in chhung khur uap ṭha tur leh ro hlu ber fanaute kîlkawi ṭhatah hma an sawn zel a ngai a ni," a ti.

RD Minister chuan, self help group (SHG)-te chu an hnathawhah inthlahdah loa taima taka thawk zel turin a chah a, mi dangte ṭanpuia malsawmna ni turin a fuih bawk.

RD deptt. hnuai­a Mi­zoram State Rural Liveli­hoods Mission (MzSRLM)-in SHG-te chawlhkar hnih chhung awh SARAS Fair a buatsaihah hian MzSRLM-in a tuam RD block 17 aṭang leh PMKSY, DRDA, Aizawl hnuaia Thingsulthliah Block aṭangin SHG 100 chuang an tel a; lawmman chi li siam a ni.

SARAS Fair-a lawmman dawngtute
Best District Award Serchhip district (Rs. 10,000)
Best Block Award East Lungdar RD Block (Rs. 7,000)
Best Stall Award West Phaileng VO-I (Rs. 5,000)
Special Award/Highest Serchhip RD Block (Rs. 7,000)
Block Sales Award