GATS-2 sawifiahna inkhawm buatsaih

Mizoram State Tobacco Control Society (MSTCS) leh Indian Soceity on Tabacco & Health (ISTH) Mizoram Chapter huaihawtin nimin khan NLUP Conference Hall-ah Global Adult Tobacco Survey-2 2016-2017 (GATS-2) sawifiahna hun hman a ni. Khuallian, Health minister Lal Thanzara chuan, "Hun rei tak vaihlo zûk leh hmuam ti nasa ber state kan nihna kalsana hmasawnna kan nei hi kan zavaia thawhhona rah chhuah a ni," a ti.

Lal Thanzara chuan, vaihlo zûk leh hmuam chungchangah Mizoramin hma a sawn chu lawmawm a tih thu sawiin, thawktute chu hmasawn zel tura theihtawp chhuah zel turin a chah a; "Vaihlo hi hriselna khawih chhe thei chauh ni loin, chhungkua leh mipui vantlang hriselna khawih chhe theitu hlauhawm berte zinga mi a ni," a ti a; mithiamte'n vaihlo zûk leh hmuam tih chu sual bul ṭanna anga an ngaih thu a sawi.

Health Minister chuan, zûk leh hmuam do kawnga hma latu, ISTH Mizoram president Lal Riliani leh MSTCS-te hmalakna vanga WHO Regional Regional Directors Appreciation Award (South East Asia) Mizoramin a dawng chu lawmawma a tih thu a sawi bawk.

Inkhawmah hian MSTCS state nodal officer Dr Jane R Ralte-in GATS-2 a sawifiah a; mihring awm zat aṭanga zûk leh hmuam ti zat tam lamah Mizoram chu 67.2% aṭangin 58.7%-ah a tlakhniam thu a sawi.