Oath Taking & Lamp Lighting

Synod Hospital, Nursing School chuan December 13, Nilaini khan Hospital Chapel-ah nurse zir thar turte pualin Oath Taking & Lamp Lighting Ceremony vawi 44-na an hmang a, Synod moderator Rev. F Lalrinnunga'n a hmanpui.

Inkhawmah hian Synod Hospital director Dr LH Thanga Singson-in inlawmna thu a sawi a, Nursing School principal C Lalrintluangi'n an dinhmun sawifiahin, nurse pension tawh Lianthangi kaihhruaiin zirlaite'n thutiam an chham rual a ni.

Synod Hospital Nursing School hi kum 1928-a Synod Hospital din a nih aṭangin din ve nghal a ni a, tunah hian General Nursing & Midwifery (GNM) zir theih niin, kum 3½ chhung zir a ni. Synod Hospital Nursing School aṭanga GNM zir chhuak tawh zawng zawng chu mi 1,500 an chuang tawh a; zirlai 125 an awm mek a ni.