Kuhva rah leh poppy seed phur lirthei 6 a kang

November 10, Inrinni zing khan Zawlnuam leh Zamuang inkar, Zamuang aṭanga km. 1.5 velah kuhva rah leh poppy seeds phur lirthei paruk a kang.

Vanglaini thudawn danin, lirthei kangte hi pick-up pali leh truck pahnih niin, a kang chhe nasa hle a ni. Lirtheite hi namleh a nih hnuah hal an nia hriat niin, he thil thleng chungchangah hian Kanhmun Police Station-ah thubuai ziahluh a ni.

A tirah chuan lirthei khalhtu hmuh tur an awm loa, lirthei neitu police-in an biak pawh theihte chuan engmah an hriatpui loh thu an sawi. Lirtheite hian Myanmar aṭanga lakluh ni ngeia hriat kuhva ro leh poppy seeds bag 35 an phur a ni.