Mizoram UPC-in fa neih tam an rel

Mizoram UPC inkhawmpui lian ber, General Assembly chu nizan khan a ṭiak ta a, khawmpuiah hian fa neih tam rel a ni

Mizoram UPC Assembly Centre, Zonuama nghah inkhawmpui hi December 9 leh 10-ah ni lenga rorelna hun hman niin, Zirtawpni zan aṭanga Pathianni zan thleng revival-a hun hman niin, speaker hrang hrangin Pathian thuchah sawina hun an hmang a ni.

Inkhawmpuiah kohhran mipuite zingah fa nei tam tura inzirtirna kalpui te, sacrament-a tana hman mek uain ang khat hman a nih theih nana hmalakte leh Genesis aṭanga Thupuan bu thlengin, a hrilhfiahna bu siam tura rawtnate an pawm a ni

Rawngbawlna zau zawk neih a nih theih nan, foreign missions-a thawk, missionary hmeichhiate chu ministerial licence pek theih tura rel a ni bawk a ni.

Kum 2024 budget atan Rs. 228,431,200 an pawm a, kum 2025 inkhawmpui thlengtu atan headquarters bial ruat an ni. Nakkum inkhawmpui chu thleng tura ruat sa Durtlang bialin an thleng ang.

General Assembly-ah hian Mizoram UPC general superintendent Rev. Thangliansanga chuan pastor pali a ordain a, mi 26 hnenah rawngbawl theihna ministerial licence pek niin, pastor pahnih lak thar an ni bawk.