Dy. CM hoin futsal ground tur enfiah

Deputy chief minister Tawnluia chuan December 10, Inrinni zingah khan a bial chhung Khawzawl futsal ground siamna tur Pangzawla hmalak dan turte sorkar hotute leh khawtlang hruaitute nen an enfiah.

Tawnluia chuan, Khawzawlah infiamna hmunhmate siama tihchangtlun chhoh mek zel a nih thu a sawi a, "Hmunhmain a zawh dan a zirin futsal ground pakhat aia tam siam theih a ni," a ti a, futsal ground siamna tur hmunhma samfaia chiang lehzuala zirchiang tur leh a ṭul angte bawhzuia hma la turin sorkar hotute a chah.

Futsal ground siamna tur hmun a en zawh hian Deputy CM hian Mualvawm khelmual bula lirthei dahna (parking area) a enfiah a, Martar thlan a tlawh nghal bawk.

Deputy Chief Minister hi district bawrhsap CC Lalchhuangkima leh mi pawimawh dangte'n an ṭawiawm.