KHAWTHLIR

KṬP-te'n thisen pe
KṬP, Zemabawk Branch chuan December 10, Inrinni khan an kohhran hall-ah Synod Hospital tan thisen unit 32 an pe a, petute mipa 27 leh hmeichhia panga an ni. KṬP, Chawnpui Branch pawhin ZMC blood bank tan unit 31 an pe a, petute mipa 23 leh hmeichhia pariat an ni.

MLA-in hawng
MLA Fund, AMC Property Tax, loan leh member-te thawhkhawm hmanga sak Ramhlun Vengthar Branch MHIP committee room chu December 10, Inrinni khan bialtu MLA Dr Vanlalthlana'n a hawng. Dr Vanlalthlana chuan MHIP-in hmeichhiate leh mi chanhaite tana hma an lakna ropui a tih thu a sawi.

Khuai-in zuk hlum
Lalrinnunga (18), Luangpawl Vengthar, Mamit chu khuai zuk vangin November 9, 2022 zan khan ZMC-ah a thi. Lalrinnunga hi December 5, 2022 khan a tuikhur kal tur chu khuai hian a zuk a ni.