Khawpui fai lawmman lawm

District khawpui fai ber intihsiaknaa lawmman pakhatna an dawngtu Mamit chuan nimin khan Mangkhawdai field-ah an lawmman dawn an lawm a, district bawrhsap Lalbiaksangi'n a hmanpui.

Lalbiaksangi chuan, "District khawpui fai ber lawmman kan lak theihna atana pawimawh ber chu Pathian vang a ni a, a dawt lehah chuan khawtlang hruaitu, tlawmngai pawlte leh mipui ṭanrualna a ni. Kan district-in award chhuanawm tak tak a dawng chho zel a, a lawm­mawm hle a ni," a ti a; faina kawngah tha thlah loa bei zel turin mipui a sáwm.

Mamit Joint V/C chairman PC Lalthleng­liana chuan, faina leh thianghlimna chhawm nung zel turin Mamit khawpuiin hma a lak zel dawn thu a sawi bawk.

Faina kawnga Mamit khawpuiin hma a sawn zel theih nan hian Mamita V/C parukte tan veng fai inelna, Sikpui Competition buat­saih a ni a; Bazar Veng pa­khatna niin, Luangpawl leh Venghlun te chu pahnihna leh pathumna an ni.