MJA-te'n Indo-Bangla ramri an tlawh

Serchhip district MJA member pariatte chuan December 14, Ningani khan Lunglei district khawthlang lama India leh Bangladesh ramrite an tlawh a, Tlabung aṭangin Tlabung Progressive Society hruaitute'n an ṭawiawm. 159 Border Security Force (BSF) hmalakna hrang hrang an en a ni.

MJA member-te hian Tlabunga Border Outpost -ah BSF hotute nen an inkâwm a; Serchhip district MJA president C Lalhminghlua chuan, ramri chu hmun pawimawh a nih avangin a dinhmun hre chiang turin an tlawh tih sawiin, Tlabung chu ràlkhat aṭanga an lo thlir dan nen a inpersan thu leh a dinhmun dik tak hre turin Mizo mipui tam zawkin tlawh ve thei se a duh thu a sawi.

Serchhip MJA member-te hian India leh Bangladesh inrina hung hna thawh mek te, ramria venhimna kalpui dan te, ramria kawlphetha pekna, border flood lighting kalpui mekte leh an tlawh a; ramri dep hmun hrang hranga sipaite chenna hmun tura sak border outpost-te an tlawh bawk.

MJA member-te hi 159 BSF battalion deputy commandant Dr Lalrinchhana Pachuau-in a hruai a ni.